ಹಿನ್ನೆಲೆ

​

ಕಳೆದ ಮೂರು ವರ್ಷಗಳಲ್ಲಿ, ಸುಸ್ಥಿರ ಮೊಬಿಲಿಟಿ ನೆಟ್‌ವರ್ಕ್‌ನ ಭಾಗವಾಗಿ, ಸೆನ್ಸಿಂಗ್ ಲೋಕಲ್ ಮತ್ತು ಇತರ ಪಾಲುದಾರರು, ಅರ್ಬನ್ ರಿವ್ಯಾಂಪ್ ಡಿಸೈನ್ ಚಾಲೆಂಜ್ (www.urbanrevamp.in) ಕಾರ್ಯಕ್ರಮ ಅನ್ನು ಚಾಲನೆಗೆ ತಂದರು. ಸದರಿ ಕಾರ್ಯಕ್ರಮದಲ್ಲಿ ವಾಸ್ತುಶಿಲ್ಪಿಗಳಿಂದ ವಿನ್ಯಾಸ ಪ್ರಸ್ತಾವನೆಗಳನ್ನು ಆಹ್ವಾನಿಸಲಾಯಿತು. ಇದನ್ನು ನೆರೆಹೊರೆಯ ಸಕ್ರಿಯ ನಾಗರಿಕ ಗುಂಪುಗಳು ಬೆಂಬಲಿಸಿದ್ದು, ಎರಡು ಸತತ ಸ್ಪರ್ಧೆಗಳಲ್ಲಿ ನಾಲ್ಕು ಸ್ಥಳಗಳಿಗೆ 60+ ವಿನ್ಯಾಸ ಪ್ರಸ್ತಾವನೆಗಳು ಸಲ್ಲಿಕೆಯಾಗಿದ್ದವು.

 

 ಈ ಸ್ಪರ್ಧೆಯು ನಗರದಾದ್ಯಂತ ನೆರೆಹೊರೆಯ-ಪ್ರಮಾಣದ ಸಾರ್ವಜನಿಕ ಸ್ಥಳಗಳನ್ನು ಪುನರುಜ್ಜೀವನಗೊಳಿಸುವ ಅಗಾಧ ಸಾಮರ್ಥ್ಯವನ್ನು ಪ್ರದರ್ಶಿಸಿದೆ. ಇದರ ಆಧಾರದ ಮೇಲೆ, 'ಬೆಂಗಳೂರಿನ ಸಾರ್ವಜನಿಕ ಸ್ಥಳಗಳನ್ನು ಪುನರುಜ್ಜೀವನಗೊಳಿಸುವುದು' ಕಾರ್ಯಕ್ರಮವನ್ನು ಸರ್ಕಾರಿ ಅಧಿಕಾರಿಗಳು, ಚುನಾಯಿತ ಪ್ರತಿನಿಧಿಗಳು, ನಾಗರಿಕರು ಮತ್ತು ವಾಸ್ತುಶಿಲ್ಪಿಗಳು, ನಗರ ವಿನ್ಯಾಸಕರು ಮತ್ತು ಇತರ ತಾಂತ್ರಿಕ ತಜ್ಞರ ನಡುವಿನ ಪಾಲುದಾರಿಕೆಯನ್ನು ಬಳಸಿಕೊಳ್ಳುವ ಮೂಲಕ ಬಳಕೆಯಾಗದ ನೆರೆಹೊರೆಯ-ಮಟ್ಟದ ಸಾರ್ವಜನಿಕ ಸ್ಥಳಗಳನ್ನು ವಿನೂತನ ಪರಿಕಲ್ಪನೆಯೊಂದಿಗೆ ಸಮಗ್ರ,ವಾದ ರೀತಿಯಲ್ಲಿ ಸಾವಜನಿಕರಿಗೆ ಸದ್ಬಳಕೆಯಾಗುವಂತೆ ಮರು-ಕಲ್ಪಿಸಲು ನಗರಾದ್ಯಂತದ ಉಪಕ್ರಮವಾಗಿ ಕಲ್ಪಿಸಲಾಗಿದೆ.

​

​

5 ಮುಖ್ಯ ಗುರಿಗಳು

​

• ಕಡಿಮೆ ಬಳಕೆಯಾಗುತ್ತಿರುವ ಸಾರ್ವಜನಿಕ ಸ್ಥಳಗಳನ್ನು ಗುರುತಿಸಿ ಪಟ್ಟಿ ಮಾಡುವುದು; ಅವುಗಳ ಪುನರಾಭಿವೃದ್ಧಿಗಾಗಿ ನಾಗರಿಕರು/ಸಮುದಾಯ ಗುಂಪುಗಳಿಂದ ಬಂದಿರುವ ಬೇಡಿಕೆ ಮತ್ತು ಅವರ ಆಕಾಂಕ್ಷೆಯನ್ನು ಒಟ್ಟುಗೂಡಿಸುವುದು ಮತ್ತು ಬಿಬಿಎಂಪಿ 5 ವರ್ಷಗಳ ಅವಧಿಯಲ್ಲಿ ಇಂಥ ಸ್ಥಳಗಳನ್ನು ವ್ಯವಸ್ಥಿತವಾಗಿ ಮರು-ಅಭಿವೃದ್ಧಿಪಡಿಸಲು ವಹಿಸಿಕೊಳ್ಳುವುದು.

​

• ಸಮಗ್ರ, ಜನಾನುಕೂಲಿ ಮತ್ತು ವಾಸಯೋಗ್ಯ ನಗರಗಳನ್ನು ಖಚಿತಪಡಿಸಿಕೊಳ್ಳಲು, ಸಂಭಾವ್ಯ ತಾಣಗಳನ್ನು ಆಯ್ಕೆ ಮಾಡಿಕೊಂಡು ಅವುಗಳ ಮೌಲ್ಯಮಾಪನ ಮಾಡಿ, ಅವುಗಳನ್ನು ರಾಷ್ಟ್ರೀಯ, ರಾಜ್ಯ ಮತ್ತು ನಗರ ಮಟ್ಟದ ನೀತಿಗಳೊಂದಿಗೆ ಕಾರ್ಯಸಾಧ್ಯತೆ ಮತ್ತು ಪ್ರಭಾವದ ಮೌಲ್ಯಮಾಪನಕ್ಕಾಗಿ ಚೌಕಟ್ಟನ್ನು ರಚಿಸುವುದು.

​

• ಯೋಜನೆಗಳ ವಿನ್ಯಾಸ ಮತ್ತು ಅನುಷ್ಠಾನದಲ್ಲಿ ವಾಸ್ತುಶಿಲ್ಪಿಗಳು ಮತ್ತು ನಗರ ವಿನ್ಯಾಸಕರನ್ನು ತೊಡಗಿಸಿಕೊಳ್ಳಲು ಬಿಬಿಎಂಪಿಯೊಂದಿಗೆ ಕೈಝೋಡಿಸಿ ಪ್ರಕ್ರಿಯೆಯನ್ನು ಸರಳೀಕರಿಸುವುದು ಮತ್ತು ಸುವ್ಯವಸ್ಥಿತಗೊಳಿಸುವುದು.

​

• . ಸ್ಥಳವನ್ನು ಸೂಚಿಸಿವುದು, ಸಂಕ್ಷಿಪ್ತ ಅಭಿವೃದ್ಧಿ, ವಿನ್ಯಾಸ ಮತ್ತು ಅನುಷ್ಠಾನದ ಪ್ರಕ್ರಿಯೆಯಲ್ಲಿ ಸಾರ್ವಜನಿಕರ ಭಾಗವಹಿಸುವಿಕೆಗಾಗಿ ಕಾರ್ಯವಿಧಾನಗಳನ್ನು ರೂಪಿಸುವುದು.

•  ವಿನ್ಯಾಸ ಅಭಿವೃದ್ಧಿ ಮತ್ತು ನಿರ್ವಹಣೆಯಂತಹ ಅಂಶಗಳಿಗೆ ಬೆಂಬಲ ನಿಧಿಗಾಗಿ ಸಾರ್ವಜನಿಕ-ಖಾಸಗಿ ಸಹಭಾಗಿತ್ವವನ್ನು ಅನ್ವೇಷಿಸುವುದು.